فكرة الزواج من اجنبية بين مؤيد ومعارض ..

السلام عليكم ورحمه الله

هناك قضيه قد تثير الجدل والبعض منا يـــؤيد والبعض يعــارض

ويقول ذلك حبآ وأخلاصآ لبلده وتربة أرضه ... واختلاف العادات والتقاليد بين البلاد

لربما هناك ظروف قد تجبر أشخاصآ منا على سلك هذا السبيل ويراه مناسبآ

فهذه قضيه دعونا نتدرسها سويآ بعيدآ عن جو المشاحنه ....

*~ أخواني واخواتي الافاضل *~

ترتفع الآن درجة حرارة الإقبال على الزواج بشكل طبيعي وغير طبيعي

مما يجعلنا نضع علامة استفهام كبرى ؟؟

حول أحد الأشكال التي يتجه الناس إليها من أجل الزواج

وهو الزواج من الأجنبية سواء ( عـــربيه او غــربيه )

دعونا هنا نناقش هذا الموضوع بشفافية ووضوح

لماذا الاتجاه إليه ؟؟؟ وهل هو إيجابي ام سلبي ؟؟؟

ام يعكس تغير جذري في الفكر العربي ؟؟؟

دعونا ننظر الي القضيه من اكثر من زاويه و بشكل محايد ...

ونطلق العنان لافكارنا من امور تحاكي الواقع

وسأنتظر تداخلاتكم ...

وفقنا الله جميعآ

اختكم دمعة

ممممممممم

هو ايجابي و سلبي بنفس الوقت

من جهتي ما بعارض على هيك موضوع لانو كتير نجحو بزواجهم

مشكورة دموعة

تحياتي الك

السلام عليكم
والله اذا كانت المخلوقه طيبه وحبوبه فليش لا
مشكوره اختي واعذرينا على الاختصار

وعليكم السلام

مشكورررين على مروركن الطيب

ومشاركتكن بالموضوع

والله يبعتلك يا عاشقة الانسان يلي بيستاهلك

وانت يا اخ اغليص الله يبعتلك بنت الحلال اجنبية كانت ام عربية

المهم التفاهم

ودمتم سالمين

شكرا كتير دمعة على طرح هالموضوع

شوفي لخبرك شغلة

يمكن 99% من الناس هالايام بتقول غير مابتعمل

هلى الشي الصح انو المسلم يتزوج مسلمة

وانو يختار الودود والولود تقيدا بكلام رسولنا الكريم عليه الصلاة والسلام

اما بوقتنا هاد اغلب الناس ماعم بترد او تتقيد بهالحكي

يعني مثلا لو شخص صادف بنت غنية مابفكر لا بدينا ولا بتربيتها

وتاني شي لو شخص صادف بنت جميلة لا بفكر لا بنسبها ولا بعيلتها

وهلم جر

يمكن كلامي يزعج كتير ناس بس هي الحقيقة الي عم بتصير بهالايام

تقبلي مروري

العفوووو اخي اوس

كلامك صحيح وبحب ضيف شغلة انو الاسلام

ما حرم انو الواحد يتزوج بغير المسلمة فقط للرجل

معك حق هالايام ما حدا بيشوف الا الجمال والفلوس

وانا برايي مو غلط الواحد ياخد وحدة اجنبية بس بدو يتعزب معها شوي

لانو العادات والتقاليد مختلفة بس ازا اتفاهموا ليش لا

رايك فيه من المنطق كتير تشكر عليه اخي اوس

ومشكورررر على ردك ومرورك بالموضوع

وبحب قلك شغلة الحق على طول بزعل ناس بس لازم ينحكى وكلامك صحيح مية بالمية

بس ما بزعل حدا لانو هاد الواقع

مشكور اخي والله يحفظك

موضوع: السلام عليكم السبت يوليو 11, 2009 1:02 am

الأمر مش فكرة مؤيد او معرض يعني
اذا كان الشخص منو متزوج اجنبية ما بيقدر يحكم من عندو
بس انا بظن انو الامر بعود للشخص نفسو او بيقدر يتعامل مع اجنبية او لا
س:اجنبية يعني اوربية؟؟؟؟
ولا من غير ديانة
ولا من خارج الوطن العربي
ولا من خارج سورية
ولا من خارج المحافظة.
GHOST