الطريقة الصحية للعناية باللثة

بالنسبه للثه انسب طريقه للعنايه المنزليه هيه استخدام محلول المضمضه (غسول الفم) وبتلاقيه بكل الصيدليات بانواع مختلفه ونكهات متعدده ومافي شي بميز نوعو على التاني الكل مفعوله ممتاز والشي التاني طبعا العنايه بتنظيف الاسنان وهون منحكي بشيء مهم لان كتيير مرضى بنقلهم تنظيف الاسنان ومابراعوا شروطه وهي اذا كانت لثتك من النوع الي بتنزف دم وقت التنظيف او فيها انتفاخات مابين الاسنان يعني لثه ملتهبه فانا بنصح باستخدام فرشاه اسنان ناعمه يعني أليافها خفيفه مش قاسيه ومابتسبب ازى للثه او نزفها والشي التاني ان الفرشاه لازم تستبدل كل 6 اشهر كحد اقصى لان بعد ذلك تصبح الالياف اقل فعاليه ومرونه بالتنظيف اما الشي التالت فهوه عدد المرات الكتير بقول تنين وتلاته واربعه ... انا بفول انسبها مرتين بالصبح واليل واذا كانت طريقه تفريشك للاسنان سليمه فمره واحده تكفي بس في حاله الاتهاب مرتين افضل وانصحك بتعلم الطريقه السليمه لتفريش الاسنان عند الطبيب حتى تحصل على العنايه الصحيحه والشيء الأخر هوه استخدام خيط الاسنان اذا كانت اسنانك متراصه اما في حاله وجود الفراغات استخدم الفرشاه مابين الاسنان وهي معروفه ب interdental brush تتواجد ايضا بالصيدليات و تكون على شكل عود الاسنان ولكن بها فراشي صغيره ناعمه تساعد بالمرور بين الاسنان وازاله التراكمات البكتيريه وعلما انا اكتر منطقه لتجمع الاوساخ هيه المنطقه بين الاسنان فيجب الانتباه جيدا لتنظيفها
واخيرا العنايه بالنظام الغذاء له تاثير كبير على عنايه الاسنان فالأطعمه المحتويه على السكريات والكربوهيدرات عامه تزيد من التهاب الثه وليس فقط تسوس الاسنان والحوامض كذلك تتعب اللثه الملتهبه فانصح بتناول المواد التي تحتوي على الالياف ومن افضل انواع الفواكه التفاح يساعد في تقويه الثه ومرونتها وعامل منظف للاسنان كما ان الخيار من الخضراوات له نفس الفاعليه
واللثه الملتهبه تتعب في حاله التقويم لذا من الافضل ان تبدي العلاج بلثه سليمه ونقطه اضافيه انه يجب تنظيف الاسنان عند الطبيب كل سنه اذا كنت من المداومين على العنايه بها وكل 6 شهور اذا كان التنظيف متقطع لكي تزيل اي ترسبات جيريه بين الاسنان التي تسبب بدورها التهاب الثه

ودمتم سالمين برعاية الله
DR . MEDO ANGEL