مراحب للطيبين
حبيت انزل لكم موضوع نتناقش فيه شوية
لانو في الاونة الاخيرة انا لاحظت المشكلة هذي انتشرت
اكيد بتسالو بتقولو يالله قولي >>تيب ا صبر لاتدف خخخ
الموهم انا شايفة ان العلاقات العاطفية انقلبت
صارت البنت تنخطب نسالها مين الي جا خطبك تقول واحد اتعرفت عليه
في احدى المنتديات كمان نفس الشي الحال مع الولد يبغى يخطب مين تبغى وحده اتعرفت عليها في المنتدى الفلاني
شفتها؟ لا
يعني بنمشي بنقول الاذن تعشق قبل العين احيانا
نجي نسالو سمعت صوتها كمان لا
صراحة انا استغربت وبدا الحال يكثر بين ابناءنا
يعني موضوع نقاشنا يحبذا لو نتطرق على الحب في النت
ياليت اشوف ارائكم
هل انت تؤيد الحب والزواج وتكوين العلاقات حتى زي الصداقة عن طريق النت
وهل مرت فيك الحالة هذي ==>>يعني مريت بنوع من التعلق بوحده ا وحبيتهامن غير ماشفتها ولا حتى سمعت صوتها (السؤال للبنات والشباب )
انا عن نفسي اجاوب
ابدا عمري ماتعلقت في احد ولافكرت
يعني ايش لون احب واحد ماعرف عنه اي شي
ابغى اعرف ايش لون قلوبهم تفكر
هذا رأيي واتمنى اشوف اراء الاعضاء كلهم [/